حزب اللہ کا ایک روز میں 17اسرائیلی فوجی مارنے کا دعویٰ
حزب اللہ نے ایک ہی روز میں 17 اسرائیلی فوجیوں کی ہلاکت کا دعوی کردیا تاہم اسرائیلی فوج نے اسکی تصدیق یا تردید نہیں کی۔حزب اللہ نے اپنے ٹیلی گرام چینل پر جاری بیان میں دعوی کیا ہے کہ اس کے جنگجوں نے جھڑپوں کے دوران 17 اسرائیلی فوجیوں کو ہلاک کردیا ہے۔بیان میں کہا گیا کہ اسلامی مزاحمتی آپریشن روم اپنے معتبر سیکورٹی ذرائع سے ان ہلاکتوں کی تصدیق کرتا ہے، بہادر جنگجوں سے ہونے والے معرکوں میں صہیونی دشمن کی ہلاکتوں کی تعداد بہت زیادہ ہے۔واضح رہے کہ اسرائیلی فوج نے لبنان پر زمینی حملے کے بعد سے اب تک صرف 9 فوجی ہلاکتوں کا اعتراف کیا ہے۔
