اہم خبریں
اداکارہ ایمن سلیم کے ہاں پہلے بچے کی پیدائش
پاکستانی اداکارہ ایمن سلیم نے بیٹے کی ولادت کے ڈیڑھ ماہ بعد مداحوں کو خوشخبری سنادی۔
اداکارہ نے انسٹاگرام پر نومولود کے پیروں کی تصویر اور ایک خوبصورت پوسٹ شیئر کرتے ہوئے مداحوں کو بیٹے کی پیدائش کی اطلاع دی۔
اداکارہ نے اپنی سوشل میڈیا پوسٹ میں لکھاکہ’ 2 لوگوں کی پارٹی سے لےکر 3 افراد کا خاندان بننے تک، ہمارے بچے کے ساتھ گزشتہ 6 ہفتے ایک معجزہ رہے‘ ۔
اداکارہ نے اپنی پوسٹ میں بیٹے کا نام کیحان ملک بتاتے ہوئے اسے دنیا میں خوش آمدیدکہا ہے۔
یاد رہے کہ سابق کرکٹر سلیم یوسف کی صاحبزادی ایمن سلیم دسمبر 2023 میں کامران ملک کے ساتھ رشتہ ازدواج میں منسلک ہوئی تھیں۔
