حماس سے لڑائی میں اسرائیلی فوج کا کیپٹن اور میجر مارے گئے، 4 سپاہی زخمی
تل ابیب: غزہ میں ہونے والی حماس سے لڑائی اور جھڑپوں میں اسرائیلی فوج کا کیپٹن اور ایک میجر ہلاک ہوگیا۔
اسرائیلی میڈیا کے مطابق غزہ میں گزشتہ روز فلسطینی مزاحمت کاروں کے حملے میں 24 سالہ کیپٹن شخنازی اور 28سالہ میجر ریواہ مارے گئے ہیں۔
اسرائیلی دفاعی افواج (آئی ڈی ایف) کا کہنا ہے کہ لڑائی کے دوران 4 سپاہی زخمی بھی ہوئے۔
آئی ڈی ایف کے مطابق ہلاک ہونے والے فوجی افسروں اور 2 سپاہوں کا تعلق نہال بریگیڈ 932 بٹالین سے تھا۔
اسرائیلی میڈیا کا کہنا ہے کہ 2 مزید فوجیوں کی ہلاکت کے بعد غزہ میں زمینی آپریشن شروع ہونے سے اب تک ہلاک ہونے والے اسرائیلی فوجیوں کی تعداد اب 397 تک پہنچ گئی ہے۔
