امریکا اب نئی بلندیوں پر جائیگا: ٹرمپ کی وکٹری اسپیچ
فلوریڈا: صدارتی انتخابات میں کامیابی پر ڈونلڈ ٹرمپ نے کہا ہے کہ وہ اب امریکا کو نئی بلندیوں پر لے کر جائیں گے۔صدارتی الیکشن میں کامیابی کے بعد فلوریڈا میں وکٹری اسپیچ کرتے ہوئے ڈونلڈ ٹرمپ نے کہا کہ آج ہم نے تاریخ رقم کی ہے، امریکا نئی بلندیوں پر پہنچے گا اور ملک کے تمام معاملات اب ٹھیک کریں گے۔انہوں نے کہا کہ ایسی کامیابی امریکی عوام نے پہلے کبھی نہیں دیکھی، ایسی سیاسی جیت اس پہلے کبھی بھی نہیں دیکھی گئی۔ٹرمپ کا کہنا تھا کہ امریکا کو محفوظ،مضبوط اور خوشحال بنائوں گا،امریکا کو دوبارہ عظیم بنائیں گے، امریکا میں سنہری دور کا آغاز ہونے والا ہے۔انہوں نے مزید کہا کہ باقی کی سوئنگ اسٹیٹ میں جیت کر315 الیکٹورل ووٹ حاصل کریں گے، حامیوں کا شکریہ ادا کرتا ہوں،آپ کے ووٹ کے بغیر کامیابی ممکن نہیں تھی۔