اعظم خان کا سی پی ایل کیلئے 3 کروڑ 43 لاکھ روپے کا معاہدہ
کراچی: پاکستان کے نوجوان وکٹ کیپر بیٹر اعظم خان کا کیربیئن پریمیئر لیگ (سی پی ایل) میں پرکشش معاہدہ ہوگیا ہے۔
ذرائع کے مطابق قومی کرکٹ ٹیم کے سابق کپتان معین خان کے بیٹے 24 سالہ اعظم خان کو سی پی ایل 2023 کیلئے گیانا ایمیزون واریئرز نے سائن کرلیا ہے۔
نوجوان وکٹ کیپر بیٹر کو گیانا کی جانب سے کھیلنے کے ایک لاکھ 20 ہزار ڈالرز ملیں گے جو اس سال کسی بھی پاکستانی کو اس لیگ میں ملنے والی سب سے زیادہ معاوضہ ہے۔
پاکستانی کرنسی میں یہ رقم تقریباً تین کروڑ 43 لاکھ روپے کے مساوی بنتی ہے۔ اعظم خان اس قبل سی پی ایل میں بارباڈوس رائلز کا حصہ رہ چکے ہیں۔
سی پی ایل 2023 کا ایڈیشن 16 اگست سے 24 ستمبر تک ہوگا۔
