ایف آئی اے بہاولپور ٹیم کا چھاپہ۔واپڈا لائن مین خاتون سے رشوت وصول کرتے رنگے ہاتھوں گرفتار
بہاولپور:ایف آئی اے بہاولپور ٹیم کا چھاپہ۔واپڈا لائن مین خاتون سے رشوت وصول کرتے رنگے ہاتھوں گرفتار۔ایف آ ئی اے ٹیم نے سول جج زین الرحمن کی نگرانی میں کارروائی کرتے ہوئے ملزم محمد عامر کو رنگے ہاتھوں گرفتار کر لیا۔ملزم کے خلاف مقدمہ نمبر 203/24 درج،کارروائی شروع۔تفصیل کے مطابق ذکیہ بی بی نامی خاتون نے ایف آئی اے بہاولپور کو دی گئی درخواست میں موقف اختیار کیا کہ عباسیہ سب ڈویژن کے لائن مین محمد عامر نے سال 2023 میں اس سے گھر کا میٹر لگوانے کے لئیے 20 ہزار روپے رشوت وصول کی اور اب مزید 9 ہزار روپے رشوت کا تقاضا کر رہا ہے۔ایف آ ئی اے انسپکٹر عبدالوکیل نے سول جج زین الرحمن کی نگرانی میں کارروائی کرتے ہوئے ملزم محمد عامر کو 9 ہزار روپے رشوت وصول کرتے رنگے ہاتھوں گرفتار کر لیا۔ایف آ ئی اے بہاولپور نے ملزم کے خلاف مقدمہ نمبر 203/24 درج کر کے کارروائی کا آغاز کر دیا ہے۔